» » » » Святитель Филарет, митрополит Московский и Коломенский, чудотворец. Служба, житие - Коллектив авторов

Святитель Филарет, митрополит Московский и Коломенский, чудотворец. Служба, житие - Коллектив авторов

На нашем литературном портале можно бесплатно читать книгу Святитель Филарет, митрополит Московский и Коломенский, чудотворец. Служба, житие - Коллектив авторов, Коллектив авторов . Жанр: Прочая религиозная литература. Онлайн библиотека дает возможность прочитать весь текст и даже без регистрации и СМС подтверждения на нашем литературном портале kniga-online.org.
Святитель Филарет, митрополит Московский и Коломенский, чудотворец. Служба, житие - Коллектив авторов
Название: Святитель Филарет, митрополит Московский и Коломенский, чудотворец. Служба, житие
Дата добавления: 7 сентябрь 2022
Количество просмотров: 49
Читать онлайн

Святитель Филарет, митрополит Московский и Коломенский, чудотворец. Служба, житие читать книгу онлайн

Святитель Филарет, митрополит Московский и Коломенский, чудотворец. Служба, житие - читать бесплатно онлайн , автор Коллектив авторов

Великий угодник Божий и богомудрый учитель Церкви Русской святитель Филарет проходил свое земное служение во времена, когда держава Российская, подвергшись немалым испытаниям, переживала тяжкие нестроения в своем духовном развитии. В век умственного брожения, в век сильных и разнообразных нападок на Церковь Святитель сумел отразить дерзкие посягательства на родное Православие, сумел защитить веру и Церковь.
Более полувека, в царствования трех императоров, продолжалось церковное служение Святителя. В своих многочисленных сочинениях он в полноте выразил истины Православия; в своем долголетнем служении в архиерейском сане он непрестанным трудом укреплял основы церковной жизни; в своем аскетическом подвиге он продолжил традиции православного иночества, традиции вселенских святителей Василия Великого, Григория Богослова и Иоанна Златоустого.

1 2 3 4 5 ... 8 ВПЕРЕД
Перейти на страницу:

Святитель Филарет (Дроздов) Митрополит Московский

Служба. Житие

По благословению Святейшего Патриарха Московского и всея Руси АЛЕКСИЯ II

Служба святителю Филарету, митрополиту Московскому и Коломенскому, чудотворцу

Память его совершается 19 ноября [1]

На малей вечерни

На Господи, воззвах: стихиры на 4, глас 1.

Подобен: Небесных чинов:

От юности пристанища немятежнаго взыскал еси,/ в многомятежнем мире пребывая, святе Филарете,/ и суеты земныя молитвою избегл еси./ Во святителех монашески пожив,/ в монасех архиерей изряден был еси,/ моли о всех, любовию блажащих тя.

Тайну явльшагося Бога проповедуя/ и священныя книги изъясняя,/ святе Филарете,/ словом Божиим насыщал еси люди алчущия,/ да познают Истину/ и уразумеют, яко благ Господь.

Годину гнева будущаго о отечестве нашем/ дарова тебе Господь предзрети, святителю Филарете,/ сего ради, скорбный плач подъем,/ веру крепку в милосердие Господне о России хранил еси,/ и ныне у Престола Божия/ усердно молишися о спасении ея.

Духом провидел еси, святителю Филарете,/ будущая Земли Российския,/ мраком объятая и браней исполненная,/ и за преумножение беззакония любве умаленная,/ темже молился еси усердно/ вере Православней непоколебимей пребывати.

Слава, глас 6:

Филарета Милостиваго подражателя,/ всея Руси молитвенника,/ святых подвижников собеседника,/ сирот Серафимовых заступника,/ старцев Оптинских покровителя,/ скитов и обителей устроителя,/ учителей учителя, царей наставника,/ Ангелов сликовника во Царствии Небеснем,/ архиерея Божия Филарета досточуднаго,/ приидите, братие, восхвалим священнолепно.

И ныне, Богородичен:

Богородице, Ты еси Лоза истинная:

На стиховне стихиры, глас 7:

Преподобным подвиги твоими уподобился еси,/ чудотворцем древним – благодатию,/ учителем вселенским – богомудрием,/ первосвятителем Московским – правлением правым,/ Филарете приснославный.

Стих: Священницы Твои облекутся в правду/ и преподобнии Твои возрадуются.

Простецем отец милосердный был еси,/ пастырем – архипастырь истинный,/ иноком – авва богомудрый,/ святителем – образ веры и благочестия,/ Филарете благоискусный.

Стих: Блажен муж, бояйся Господа,/ в заповедех Его восхощет зело.

При триех земных царех святительствуя,/ единому же Царю Небесному служил еси,/ славу человеческую ни во чтоже вменяя,/ иго Христово преславно понесл еси,/ Филарете неботечный.

Слава, глас 8:

Украшение Церкве Христовы/ и Российских святых похвалу,/ прославляем тя днесь, святителю Филарете,/ и молим усердно:/ яко предстоиши у Престола Небеснаго Царя/ и дерзновенное ходатайство имаши,/ моли спастися душам нашим.

И ныне, Богородичен, глас тойже.

Подобен: О, преславнаго чудесе:

О, преславнаго чудесе!/ Небесе и земли Царица,/ от святых сродников наших умоляемая,/ до ныне Землю Русскую покрывает/ и лика Своего изображении милостивно обогащает./ О, Владычице Державная!/ Не престани и на будущее время/ во утверждение на Руси Православия/ милости и чудеса изливати до века. Аминь.

Тропарь, глас 4:

Духа Святаго благодать стяжав,/ богомудре святителю Филарете,/ истину и правду разумом просвещенным/ людем проповедал еси,/ мир и милость сердцем умиленным/ страждущим явил еси,/ яко учитель веры и страж неусыпный/ паству российскую жезлом правости сохранил еси./ Сего ради дерзновение ко Христу Богу имея,/ моли даровати Церкви утверждение/ и душам нашим спасение.

На велицей вечерни

На Господи, воззвах: стихиры, глас 6:

Днесь благодать Святаго Духа нас собра,/ с ликом Ангельским и собором Московских святителей/ праздновати память Филарета достохвальнаго,/ той бо молит дерзновенно о Церкви Российстей,/ во еже в мире и благостоянии ей быти/ и спастися душам нашим.

Ины стихиры, глас 2:

Архиерею блаженне Петре,/ подвиги и мощами твоими первопрестольный град Москву освятивый,/ прииди с нами ныне,/ да воспоим Филарета святителя,/ иже наследова ти преславно/ и явися Церкве нашея похвала и утверждение.

Лики празднующих возглави ныне, святителю Алексие,/ да воспоим Филарета достославнаго,/ иже от гроба твоего клобук приемый,/ труды многими тебе уподобися/ и явися Церкве нашея похвала и утверждение.

От Господа избранный/ и собором утвержденный/ пасти народ Московский,/ Иона благославный/ днесь славословит с нами/ премудра Филарета,/ упасша Церковь Русскую/ и ей во всем славна явльшася,/ яко похвала и утверждение.

Премудрость книжную возлюбивый/ и собор святых русских прославивый,/ святителю чудный Макарие,/ восхвали ныне труды и подвиги Филарета богомудраго,/ яко Церкве нашея похвалу и утверждение.

Пастырю добрый Филиппе,/ со дерзновением пред царем правду глаголавый,/ возрадуйся днесь с нами/ торжеству Филарета богоревниваго,/ егоже укреплял еси молитвами твоими,/ да явится Церкви нашей похвала и утверждение.

Первый от патриархов Российских,/ Иове многомолитвенный,/ призри днесь на празднество наше,/ еже творим в память Филарета,/ яко иерарха пречуднаго/ и Церкве нашея похвалы и утверждения.

Патриарший подвиг страданьми увенчавша,/ Ермогена славнаго призовем молитвенно,/ да купно с ним инаго печальника земли нашея,/ Филарета любосмиренна достойно почтим,/ яко Церкве Российския похвалу и утверждение.

Слава, глас 8:

О пречудный святителю Филарете,/ аввы Сергия учениче верный,/ Лавры Троицкия усердный попечителю,/ святителя Иннокентия, апостолом равночестна, покровителю,/ преподобнаго Антония сотаинниче,/ Серафима досточуднаго почитателю/ и всех, прибегающих к тебе, крепкий заступниче,/ моли спастися душам нашим.

И ныне, Богородичен:

Царь Небесный:

Таже вход. Прокимен дне. И чтения.

К Тимофею Послания святаго апостола Павла чтение

(зачала 297–298; глава 3, стих 16 – глава 4, стих 8):

Чадо Тимофее!/ Всяко Писание богодухновенно и полезно есть ко учению,/ ко обличению, ко исправлению, к наказанию еже в правде,/ да совершен будет Божий человек,/ на всякое дело благое уготован./ Засвидетельствую убо аз пред Богом и Господем нашим Иисус Христом,/ хотящим судити живым и мертвым в явлении Его и Царствии Его./ Проповедуй слово,/ настой благовременне и безвременне,/ обличи, запрети, умоли со всяким долготерпением и учением./ Будет бо время,/ егда здраваго учения не послушают,/ но по своих похотех изберут себе учители, чешеми слухом;/ и от истины слух отвратят и к баснем уклонятся./ Ты же трезвися о всем,/ злопостражди, дело сотвори благовестника,/ служение твое известно сотвори./ Аз бо уже жрен бываю/ и время моего отшествия наста./ Подвигом добрым подвизахся,/ течение скончах, веру соблюдох,/ прочее убо соблюдается мне венец правды,/ егоже воздаст ми Господь в день он, Праведный Судия,/ не токмо же мне,/ но и всем возлюбльшим явление Его.

Ко Ефесеем Послания святаго апостола Павла чтение

(зачало 233; глава 6, стихи 10–17):

Братие!/ Возмогайте во Господе и в державе крепости Его:/ облецытеся во вся оружия Божия,/ яко возмощи вам стати противу кознем диавольским,/ яко несть наша брань к крови и плоти,/ но к началом и ко властем и к миродержителем тьмы века сего,/ к духовом злобы поднебесным./ Сего ради приимите вся оружия Божия,/ да возможете противитися в день лют и вся содеявше стати./ Станите убо препоясани чресла ваша истиною,/ и оболкшеся в броня правды,/ и обувше нозе во уготование благовествования мира;/ над всеми же восприимше щит веры,/ в нем же возможете вся стрелы лукаваго разжженныя угасити,/ и шлем спасения восприимите,/ и меч духовный, иже есть глагол Божий.

Ко Ефесеем Послания святаго апостола Павла чтение

(зачало 232 от полу; глава 6, стихи 1–9):

Чада!/ Послушайте своих родитее лей о Господе,/ сие бо есть праведно./ Чти отца твоего и матерь,/ яже есть заповедь первая во обетовании,/ да благо ти будет, и будеши

1 2 3 4 5 ... 8 ВПЕРЕД
Перейти на страницу:
Комментариев (0)
Читать и слушать книги онлайн